Hiteny izao ianao hoe:
Nilaozanao teto dia tsy hahita fifalina!
Nefa ianao teo mihitsy no tena fijaliana
Sy vesatra tsy zaka namotika ny fiainako,
Fa iny ianao nidify dia tonga ilay marainako.


Hiteny izao ianao hoe:
Tsy misy anao ny eto dia ho dify ilay masoandro!
Nefa ianao indrindra no nanakana ilay andro
Mba tsy hisy fifaliana sy ho vonton-tsento lava.
Vao niala anefa ianao dia nipoitra ilay mazava.

Hiteny izao ianao hoe:
Nilaozanao ny foko dia ho vonton-dranomaso!
Nefa ianao indrindra ilay poizina sy ankaso
Namono ny tontoloko, nanjary ho disadisa
ka rehefa lasa ianao dia tsiky no indro hita



Myh'Andry
21 Des 2022